Grao en Dirección e Xestión Pública (virtual)

 

 

Descrición

A principal fortaleza deste grao é o seu carácter multidisciplinario que combina as seguintes áreas de coñecemento: ciencia política e da administración, contabilidade, dereito, economía, empresa, estatística, informática, mercadotecnia e socioloxía. Grazas a esta heteroxeneidade de coñecementos o grao orienta ao estudantado dunha maneira integral cara á dirección e xestión das organizacións públicas e privadas cunha relación estreita coa Administración (xestorías administrativas, consultorías, etc.).

Perfil de Ingreso

Persoas que traballan nas diferentes administracións públicas, así como en organizacións privadas e sociais que desenvolven proxectos e servizos públicos. Persoas que desexan prepararse para traballar en institucións públicas ou que queren mellorar as súas competencias para promocionar nas súas respectivas institucións públicas.

Acceso e admisión

• Bacharelato con ABAU superada
• Ciclos formativos de grao superior
• Proba de acceso para maiores de 25, 40 ou 45 anos
• Titulación universitaria previa

Saídas Profesionais

• “Técnico de organizacións públicas estatais, autonómicas, locais e comunitarias, que inclúe dous perfís: xestor de administracións públicas ( p.ex. educativas, sanitarias); e, b) xestor de proxectos de políticas públicas e servizos públicos (calquera nivel de goberno).
• Técnico de organizacións privadas e sociais que traballan para as administracións públicas, con tres perfiles: a) técnico en xestorías administrativas e organizacións de consultoría (subvencións, rendas, tramitación sedes electrónicas); b) técnico organizacións non gobernamentais e sector non lucrativo (contratación, proxectos, participados); e, c) xestor administrativo en institucións sociais e políticas”